كما تدين تدان

كان يامكان في قديم الزمان
أبن عم لي كثير الضحك والمزح
ومزحهه ثقيل
ولا له وقت معين
هو حبيب
ودمه خفيف
ولا نستغنى عنه في المجلس
ولكن
مزحه بعض الأحيان يطفش
وفي يوم من الأيام
يوم خميس الصباح جأنني للبيت
وكانت عندي بنتي الغاليه شيخه تلعب في عاروسة أعجوبه تضحك وتبكي وتمشي بالريموت كنترول
شاريها لها من الخارج
طايره فيها من الفرح
ومنومتها في حظنها
وأخونا الحبيب
خطف اللعبه من يدها وقطع رأسها
ويضحك يقول ابي اشوف ردت فعلها
بدون اي سبب
بنتي
قامت قيامتها
تبكي
وتصيح بأعلى صوتها
وطلعت تركض وتبكي وتطيح وتقوم وصدمت في الباب
من قهرها
أنا والله بغيت انفجر
بس صبرت وتصبرت
ضحكت ضحكه صفراء
وكملنا جلستنا
وسواليفنا
وأنا النار موقده في قلبي
وبنتي تبكي عند أمها
---------------
دارت الأيام
تزوج ابن عمي
ورزقه الله ولد
وفي يوم
كنت في زياره له
وجدت ابنه عنده
ولابس محزم وفيه
سيف ومسدس
تذكرت موقف بنتي وكيف ابكاها وكسرت لعبتها
وبدون مقدماتات سحبت الولد
وكسرت المسدس
صاح الولد
وابن عمي زعل
وقام أخذ ابنه للداخل وهو يتحرطم
وانا اضحك
وهويقول لي
سلامات
وش تحس فيه
ليش تكسر لعبة الولد
قلت له نسيت عاروسة بنتي شيخه
عارسوتها ب400 ريال
ومسدس ولدك بريالين
نسيت مزحك الثقيل
قال اعوذ بالله
يا اخي قلبك أسود
قلت له
حسيت بالقهر
وش الفرق بيني وبينك
بس علمته درس ماراح ينساه
والعصر والله اشتريت له سياره صغيره بالريموت
قلبي عورني من دموعه
الولد وش ذنبه
روااااف

شكرا لكم